D' Zouberin

     
 

Siit zwoi Monet läb jetzt dr Beda scho alleige i sire Hötte im Waud obe. Mängisch hed är öppe ufs Dorf abe glueget won är e paar Jor hed bire Familie gläbt med Cheng. Aber die hei ehn gäng wie schlächter behandlet döte. Öberau isch är z'vöu ges. Zletscht hed är fasch nüme z'ässe öbercho u gred oder gschpöut hed sowiso kenne me med ehm.

U denn isch dä Dag cho, wo d Familie id Ferie isch. Si hei s Huus abgschlosse u si wäg gfahre ohni me nach däm arme Hond z'froge.

Dr Beda isch ganz truurig gse. De esch ehm i Sinn cho, dass dört obe im Waud die Hötte ganz lär isch.

Är isch fescht verchlöpft, won'es chlopfet het ar Dööre. Gschnäu is är go luege wär äch das cha si. S' esch än auti Frou g'se, wo ou ir Nöchi gwohnt hed ond ou alleini gse isch.

Dr Beda hed se ineglo ond si hei enang verzöut vo ehrem Läbe. Dr aute Frou esch es glich gange wie em Beda. Ou se hed gschpört, das se niemer me gärn hed ond drom esch si i Waud ond hed dört med de Tier ond de Pflanze gläbt.

Dr Beda hed Flurina gfrogt, ob äs ehre ned amigs ou längwiilig sigi. Nei hed Flurina gseid ehre sigis nie längwiilig, wöu se heig im Waud zoubere gleert, aber das dörf kene wösse im Dorf unge.

Das söu ig gloube hed der Beda gseid. Aus chöi me ehm de ou ned aagä. Ond scho es är es Büseli gse het gmiauet ond gschörrelet. Aber är hed doch liäber wedder ä Hond wöue si.

Das macht eim jo schier Angscht hed er gmeint. Nei, hed Flurina gseid, äkenne mues Angscht ha vor mer. Ig mache das nume einischt am Daag, wöu meh Chraft hani ned, hed si gseid.

Aber vöu Tier im Waud wette haut einisch emou öpper angerscht si.

Weisch du was, hed der Beda frooget, chönnscht du me ned för äs Ziitli doch in ä Chatz verwandle? Eg gieng doch so gärn zrugg zue däne Lüüt wo nig ha gläbt go luäge was die so mache.

Momou, das chan ig scho mache, isch Flurina sofort iverschtange gse.

U weisch was, ig möcht meg gärn go räche bi dene, wo meg gäng hei plooget gha.

Wie wosch de das mache? Wott do d Flurina wösse.

He, ig go aus Chatz is Dorf zrugg ond aui wo ned lieb gse send zue mer, wo meg de schtriichle, söus chratze ond biise, das si nöme wösse wie sech wehre.

Ou jo ond damed de ou aui alänge wänd, wersch a goudigi Chatz.

So es de dr Beda glii drufabe aus goudigi Chatz is Dorf abe ond aui wone hend gseh heine gschtriichlet ond aui wone hei gschtriichlet ond bös gse send med em Beda heds aafo biise wie verrockt.

Är aber isch heizues glöffe. Lang hei die im Dorf gsuecht nach emene Dablettli gäg das Biise aber keis hed ghoufe.

Nach emene Ziitli aber händ Flurina ond der Beda die Lüüt im Dorf wedder erlöst vo dere Plog. Dr Beda ond die auti Frou si etz ir gliiche Hötte im Waud gwohnt ond der Beda hed ou zoubere glehrt.

Mängisch esch ör no is Doorf abe zem de Lüüt säge das si doch liäb söue si zue dänne Tierli wo binene wohne ond das si ned eifacht fort chöi ond die Tier im Stech lo.

 

 
     
  Home  
       
  Märli  
       
  Maerchen  
     

 

 

 

 

 

 

 

WEBCounter by GOWEB