am Weihnachtsbaum die Lichtlein

 

 
     

 

 

 

 

Im Dörfli zündeds d Latärnen a

Im Dörfli zündeds d Laternen a.

Jetzt gripsets und chnirstets am Waldwäg naa.

Was chunt ächt do z fahre? I luegen us.

De Schnee schtübt um d Tanne, es isch en Grus.

Doch mag is erluege, jetzt mag is gseh,

En Schlitte fahrt über des gfrore Schnee.

Es Eseli zieht en, de Chlaus gaht vorus.

Se, blast em de Wind ächt d Latärne nöd us?

Wänn er nu ou secher de Wäg rächt weiss!

- Das gieret und pfieft i dem Schlittegleis! -

Jetz chehrt är es bitzeli, jetz nimmt är  de Rank

Gäg euserem Dörfli - Gottlob und Dank!

O Chlaus, gäll lärsch mer de Schlitte nöd us?

Fahr ämel de zerst mit vor euses Huus.

 

Mina Stünzi

 

 

 

   
     

Der Samichlous

Wenn es popplet a dr Töre

Mitts im Winter, wenn es scheit,

Weiss me scho, wär i sym Mantel

Vor dr Tören usse schteit.

 

Höbeschli wei mer useluege,

Höbschli, höbschli d Töre uftue,

Und do chunt är scho i d Schtube

Mit dr grosse Hutte, lue.

 

Under wysse Ougebroue

Luegt der Samichlous is a,

U mir schtande hinderenander,

Ds Chlynschte stelle vora.

 

Alli sägen ihres Värsli,

Gäbe non es Liedli dry,

U der Wiehnechtsma seit weder,

Ds nächscht Johr söll me brever sy.

 

Oh, wie freue sech die Chender,

Wenns i grosse Flocke schneit

U dr Samichlous im Mantel

Vor der Töre usse schteit!

Hedwig Dietzi-Bion

 

 

 

 

 

Am Chlous-Abig

Säg Müetterli, gleitig,

Wo gahscht jetzt na hi?

s isch tunkel vorusse,

De Vater chunt gli.

Red lisli, mis Büebli!

 

I gahne vors Huss.

De Samichlaus dusse

Lärt s Seckli grad us.

 

Mina Stünzi

 

 

 

 

   
     

Samichlaus

Samichlaus, du guete Maa,

Chlopfisch du au binis aa?

Bringsch is Öpfel, Tirggel, Nusse?

Gäll, du losisch zerscht vorusse,

Ob i dere Schtube d Chind

Au rächt lieb und artig sind?

Clara Carpentier

 

 

 

 

     

 

 

         

 

   

 

 

 

Weihnacht Zauber der Vergangenheit

 

noch eins...

 

Weihnachtszeit